ԵՐԵՎԱՆ, 31 մայիսի — Sputnik. Եկատերինբուրգից հայ գործարար Արտակ Հակոբյանը, որը հայտնի էր դարձել խանութներում թոշակառուներին անվճար հաց բաժանելու շնորհիվ, բարեգործական առաքելությունը դուրս է բերել առցանց տիրույթ, գրում է Афиша Daily-ին։
Ավելի վաղ, հայտնում էին, որ Եկատերինբուրգի «Три А» մթերային խանութի ցանցերի սեփականատեր գործարար Հակոբյանը մի քանի ամիս անց դադարել է անվճար հաց բաժանելու ակցիան։ Նա բախվել է մարդկանց բացասական վերաբերմունքին, որոնք մեղադրում էին նրան, որ «քիչ է տալիս»։ «Наша газета»-ին տված հարցազրույցում, գործարարը բողոքում էր, որ «սկզբում ամեն ինչ լավ էր, ավելորդ իրարանցում չկար, սակայն գնորդները, չգիտես ինչու, որոշել էին, որ անվճար հաց բաժանելը նրա պարտականությունն է» և սկսել են կոպտել վաճառողներին, նույնիսկ սկանդալի է հասել վիճակը։
Եվ ահա Հակոբյանը նոր ակցիա է գործարկել. առցանց խանութում ցանկացողները կարող են մթերք և կենցաղային ապրանք գնել չունևոր ծեր մարդկանց համար և ստանալ իրենց գործունեության ֆոտովկայությունը։
«Կայքը գործում է սովորական առցանց խանութի նման։ Անհրաժեշտ է գրանցվել, հավաքել զամբյուղը, «Առաքում» բաժնում նշել «Առանց առաքման», կամ ցանկացած հասցե։ Նույնիսկ, եթե հայտնվի «Վճարում առաքման համար» կոճակը, դրա վրա ուշադրություն պետք չէ դարձնել. պատվերը ստանալուց հետո, մենք այն սկսում ենք մշակել», — պարբերականը մեջբերում է Հակոբյանի խոսքը։
Նա նշեց, որ կարևորը պատվերը ձևակերպելու ժամանակ «Բարության զամբյուղի համար» նշելն է։ Գործողության ավարտից հետո պատրաստի զամբյուղը տեղադրում են խանութի ցուցափեղկի վրա և լուսանկարում։ Լուսանկարը տեղադրվում է «ВКонтакте»-ում՝ նախագծի էջին։ Հնարավորության սահմաններում, հաշվետվությունն ուղարկում են նաև բարերարի անձնական էլեկտրոնային հասցեին։
