ԵՐԵՎԱՆ, 4 հունիսի — Sputnik. Հունիսի 4-6-ին սպասվում է առավելապես առանց տեղումների եղանակ: 7-8-ին հիմնականում հյուսիսային շրջաններում երեկոյան ժամերին սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում՝ 19-24մ/վ, առանձին վայրերում հնարավոր է կարկուտ:
Օդի ջերմաստիճանն աստիճանաբար կբարձրանա 3-5 աստիճանով, տեղեկացնում է արտակարգ իրավիճակների նախարարությունը:
Երևանում հունիսի 4-6-ին սպասվում է առանց տեղումների եղանակ: 7-8-ին երեկոյան ժամերին առանձին հատվածներում սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 12-17մ/վ արագությամբ:
Մայրաքաղաքում ցերեկը կլինի 27-29, իսկ երեկոյան ժամերին՝ 23-25 աստիճան ջերմություն։
