ԵՐԵՎԱՆ, 16 հունիսի — Sputnik. Երևանի ավագանու արտահերթ նիստին այսօր «Երկիր ծիրանի» խմբակցության մասնակցությունը նշանավորվեց հարցերի տարափով։
Քաղաքապետի առաջին տեղակալ Կամո Արեյանի վերանշանակման օրակարգային հարցի քննարկման ընթացքում «Երկիր ծիրանիի» անդամները Երևանի պատմական շենքերի քանդման և կանաչ տարածքների վերացման համար մեղադրեցին նաև Կամո Արեյանին՝ հարց ուղղելով Տարոն Մարգարյանին, թե արդյո՞ք Արեյանն արժանի է վերանշանակվելու իր նախկին պաշտոնում։
Քաղաքապետը հայտարարեց, որ Կամո Արեյանին արժանի թեկնածու է համարում, իսկ նշված խնդիրների համար նրա խոսքով, մեղավորը ոչ թե Արեյանն է, այլ բոլորը։
