ԵՐԵՎԱՆ, 20 հունիսի — Sputnik. Հունիսի 20-ին, ժամը 12:00-ին ՌԴ-ում ՀՀ դեսպանատանը ԱԻՆ ներկայացուցիչ փ/ծ գնդապետ Ա. Ղազարյանից տեղեկություն է ստացվել, որ հունիսի 18–ին Տուլայի շրջանում տեղի ունեցած ավտովթարից տուժածներից Ստուպինո քաղաքի հիվանդանոցում գտնվող 3–ի առողջական վիճակը մնում է նույնը (միջին ծանրության), Տուլայի ԲԿ-ում գտնվող Ռոզա Գեղամյանը (2005 թ.) այսօր դուրս կգրվի, իսկ վերջինիս եղբայր՝ Կառլեն Գեղամյանը (2002 թ.) կենթարկվի վիրահատության:
Գեղամյանների մոր՝ Աիդա Հակոբյանի (1983 թ.) վիճակը մնում է նույնը (միջին ծանրության):
Հիշեցնենք, որ հունիսի 18-ին, ժամը 14.13-ին տեղեկություն է ստացվել, որ Ռուսաստանի Դաշնության Տուլայի շրջանում` Մ-4 դաշնային ավտոճանապարհի Մոսկվա-Երևան հատվածի 133-րդ կմ-ին, տեղի է ունեցել ՃՏՊ՝ բախվել են «ԿամԱԶ» մակնիշի բեռնատար ավտոմեքենան և երթուղային միկրոավտոբուսը:
Պարզվել է, որ միկրոավտոբուսը ուղևորվում էր Երևանից Նիժնի Նովգորոդ:
Պատահարի հետևանքով մահացել է 1, տուժել՝ 9 քաղաքացի:
