Դովեղը Զավեն Հովհաննեսի Կարապետյան անուն–ազգանունով բնակիչ չունի

© Sputnik / Asatur YesayantsПриграничная воинская часть ВС РА
Приграничная воинская часть ВС РА - Sputnik Արմենիա
Բաժանորդագրվեք
НовостиTelegram
Ադրբեջանական լրատվամիջոցների տարածած տեսանյութում «հայ դիվերսանտ» ներկայացվող Զավեն Հովհաննեսի Կարապետյան անուն ազգանունով բնակիչ Տավուշի Դովեղ գյուղը չունի։

ԵՐԵՎԱՆ, 21 հունիսի — Sputnik. Այսօր առավոտյան ադրբեջանական լրատվամիջոցներն ինֆորմացիա են տարածել, թե հայկական կողմը դիվերսիա է կազմակերպել, որի հետևանքով հայ զինծառայող է գերեվարվել։ Ավելի ուշ նրանք հրապարակեցին տեսանյութ, որտեղ իբր գերեվարված հայ զինծառայողը խոսում է, ներկայանում և ասում, որ ինքը 1974 թ.–ին ծնված Զավեն Հովհաննեսի Կարապետյանն է, Տավուշի մարզի Դովեղ գյուղից։

Флаг республики Арцах - Sputnik Արմենիա
ՊՆ. «Ադրբեջանը փորձում է ցանկալին ներկայացնել իրականության փոխարեն»

Sputnik Արմենիայի թղթակցի հետ զրույցում Դովեղի գյուղապետարանի աշխատակիցն ասաց, որ նման անուն ազգանունով մարդ իրենց գյուղում հաշվառված չէ, նրանք նման համագյուղացի չունեն։

Իսկ ավելի վաղ ՀՀ ՊՆ մամուլի խոսնակ Արծրուն Հովհաննիսյանը Sputnik Արմենիային ասել էր, որ տեսանյութերում «հայ դիվերսանտ» ներկայացվող անձը զինծառայող չէ։ «Հայկական ԶՈւ-երը որևէ դիվերսիա չեն իրականացրել, առավել ևս որևէ զինծառայող չեն կորցրել»,- նշել է Հովհաննիսյանը։

Ի դեպ, ադրբեջանական ԶԼՄ–ների տարածած տեսանյությում անզեն աչքով երևում է, որ «հայ դիվերսանտ» ներկայացող անձը համարյա չի խոսում, նրա ծնոտը գրեթե անշարժ է։

Հիշեցնենք, որ «ԱՊԱ» գործակալությունը տեղեկատվություն էր տարածել այն մասին, որ հունիսի 20-ին հայ-ադրբեջանական շփման գծում Հայաստանի Զինված ուժերի դիվերսիոն մի խմբավորում փորձել է անցնել Ադրբեջանի ԶՈւ պաշտպանական գիծը, սակայն, ըստ նրանց, ժամանակին ձեռնարկված միջոցառումների արդյունքում հայկական կողմը հետ է քաշվել՝ տալով կորուստներ, և հայկական կողմից կա գերի:

Այնուհետև  Ադրբեջանի ՊՆ-ն հոդված և դրան կից տեսանյութ է հրապարակել, որտեղ ներկայացրել է «հունիսի 20-ին ձերբակալված հայ դիվերսանտին», ով ներկայանում է որպես Զավեն Հովհաննեսի Կարապետյան (ծնված 1974 թ.):

Русская версия

Լրահոս
0