ԵՐԵՎԱՆ, 21 հունիսի — Sputnik. Աբու Դաբիի համալսարանի Akkasah լուսանկարների կենտրոնը (գտնվում է Նյու Յորքում) զբաղվում է լուսանկարների համեմատական պատմությամբ և արաբական աշխարհում ժամանակակից լուսանկարչական պրակտիկայով։ Կենտրոնի գործունեությունն ուղղված է նաև աշխարհի տարբեր երկրների լուսանկարչական մշակույթների և ավանդույթների ուսումնասիրությանն ու կապերի հաստատմանը։
Կենտրոնի խոշոր հավաքածուում ուրույն տեղ է գտել Ալեքսանդրիայի հայկական նվագախմբի լուսանկարը, որը թվագրված է 1924 թվականով։ Լուսանկարն արվել է Studio Aïda ստուդիայում։
Մինչև 1952 թվականը Եգիպտոսի հայ համայնքը հասնում էր 60 հազարի, հիմնական մասն ապրում էր Ալեքսանդրիայում։ Այսօր Եգիպտոսի հայկական համայնքում մոտավորապես 2000 մարդ կա։
