ԵՐԵՎԱՆ, 22 հունիսի — Sputnik. Հուլիսի 4-ից 6-ը Վիլնյուսում կընթանա Արևելյան եվրոպական երկրների վոլեյբոլի գոտային ասոցիացիայի (EEVZA) լողափնյա վոլեյբոլի մինչև 18 տարեկան պատանիների առաջնությունը, որին կմասնակցի Արման Միսկարյան և Ռազմիկ Հակոբյան զույգը:
Հայաստանի վոլեյբոլի ֆեդերացիայի գլխավոր քարտուղար Կարեն Ասմարյանը Հայաստանի ազգային օլիմպիական կոմիտեի լրատվական ծառայությանը հայտնել է, որ միջազգային մրցաշարից հետո Երևանում կկայանա լողափնյա վոլեյբոլի Հայաստանի առաջնությունը:
Հուլիսի 7-ից 9-ը կմրցեն տղամարդիկ և կանայք, հուլիսի 11-ից 13-ը` պատանիներն ու աղջիկները: Յուրաքանչյուր մրցմանը նախատեսվում է 16 զույգի մասնակցություն:
