ԵՐԵՎԱՆ, 6 հուլիսի — Sputnik. Հայաստանը երբեք չի հրաժարվել ԼՂ հարցով հանդիպումներից թե՛ ամենաբարձ մակարդակով, թե՛ արտգործնախարարների մակարդակով: Այս մասին ԱԺ-ում լրագրողների հետ զրույցում ասաց ՀՀ արտաքին գործերի նախարար Էդվարդ Նալբանդյանը:
«Ինչպես մի քանի օր առաջ ասացի, բացառված չէ, որ ԱԳ նախարարների մակարդակով հանդիպում լինի հուլիսին», — նշեց նախարարը:
Նշենք, որ ՌԻԱ Նովոստին ավելի վաղ հայտնել էր, որ Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը կկայանա հուլիսի 11-ին ավստրիական Մաուերբախ քաղաքում։
Դիտարկմանը, թե ինչպես է վերաբերվում օրերս տեղի ունեցածի վերաբերյալ ԵԱՀԿ Մինսկի խմբի համանախագահների հայտարարությանը, Նալբանդյանն ասաց, որ համանախագահները պետք է արձագանքեին, ինչն էլ արեցին:
«Մինչ այդ արձագանքը մենք խոսել էինք ԵԱՀԿ համանախագահների և Կասպրշիկի հետ», — նշեց նա:
Նախարարը շեշտեց, որ հայկական կողմը բանակցությունների կողմնակից է:
