ԵՐԵՎԱՆ, 12 հուլիսի — Sputnik. Հայաստանը նոր դեսպաններ կունենա Կանադայում և Դանիայում։ Դեսպանների նշանակման մասին հրամանագրերը ՀՀ նախագահ Սերժ Սարգսյանը ստորագրել է այսօր` հուլիսի 12-ին։ Այս մասին հայտնում է ՀՀ նախագահի մամուլի ծառայությունը։
«Լևոն Մարտիրոսյանին նշանակել Կանադայում Հայաստանի Հանրապետության արտակարգ և լիազոր դեսպան (նստավայրը` Օտտավա)»,- նշված է նախագայի հրամանագրում:
Նշենք, որ Մարտիրոսյանն այս պաշտոնում կփոխարինի Արմեն Եգանյանին։
«Ալեքսանդր Արզումանյանին նշանակել Դանիայի Թագավորությունում Հայաստանի Հանրապետության արտակարգ և լիազոր դեսպան (նստավայրը` Կոպենհագեն)»,- նշված է մեկ այլ հրամանագրում։
Արզումանյանը դեսպանի պաշտոնում կփոխարինի Հրաչյա Աղաջանյանին։
