«Ոսկե ծիրան». օր 5-րդ

© Sputnik / Asatur YesayantsОткрытие кинофестиваля "Золотой абрикос"
Открытие кинофестиваля Золотой абрикос - Sputnik Արմենիա
Բաժանորդագրվեք
Yandex newsTelegram
Երևանում անցկացվող «Ոսկե ծիրան» միջազգային կինոփառատոնի 5-րդ օրը ռեժիսորները ներկայացրին իրենց ֆիլմերը, վարպետության դասեր անկացրին և լրագրողների հետ շփվեցին անկաշկանդ մթոնոլորտում:

ԵՐԵՎԱՆ, 13 հուլիսի — Sputnik. «Ոսկե ծիրան» 14-րդ միջազգային կինոփառատոնի հինգերորդ օրն իր աշխատանքները շարունակեց «Ստեղծարար Եվրոպա» համաժողովը: Լրատվամիջոցների ներկայացուցիչները հանդիպեցին ռեժիսոր Սոֆի Գուայետին, որի «Դեռ մութ, դեռ լույս» ֆիլմը Ռոտերդամի կինոփառատոնում արժանացել էր «Պայծառ ապագա» մրցանակին (տրվում է ամենահեռանկարային ֆիլմի համար):

Գուայեթը պատմեց, թե ինչպես է 5 կարճամետրաժ ֆիլմ նկարել, որոնց համար 12 մրցանակ է ստացել և այդ հոնորարներով նկարահանել առաջին լիամետրաժ ֆիլմը, որը և ներկայացված է «Ոսկե ծիրան» փառատոնի մրցութային ծրագրում:

Открытие кинофестиваля Золотой абрикос - Sputnik Արմենիա
«Ոսկե ծիրան» ու ծիրանօրհնեք. Երևանում մեկնարկեց «ծիրանային» շաբաթը

Էդգար Բաղդասարյանը ներկայացրեց իր «Սիմոնի ճամփան» ֆիլմը, որը Հայկական կինոակադեմիայի մրցանակաբաշխության ժամանակ լավագույնն էր ճանաչվել «կարճամետրաժ ֆիլմ» անվանակարգում, Հրանտ Վարդանյանը ներկայացրեց «Լույսի ձայները» (Հայկական համայնապատկեր), Յանա Փափենբրոքը՝ «Ինչո՞ւ է ծիծաղում պարոն Վ.-ն» (Վավերագրական մրցույթ), Ցվետան Դրագնևը՝ «Գյուղացիներ» (Վավերագրական մրցույթ) և Վիգեն Չալդրանյանը՝ «Վարդապետի լռությունը» (Խաղարկային մրցույթ):

Այնուհետև վարպետության դաս անցկացրեց ռեժիսոր Սիռո Գեռան: Իսկ «Թումո» ստեղծարար տեխնոլոգիաների կենտրոնում վարպետության դաս տվեց սցենարիստ, ռեժիսոր Յուջին Քորը:

Մայր Աթոռ Սուրբ Էջմիածնի Գևորգյան ճեմարանում տեղի ունեցավ Ն.Ս.Օ.Տ.Տ. Ծայրագույն Պատրիարք և Կաթողիկոս Ամենայն Հայոց Գարեգին Բ-ի հիմնադրած «Եղիցի լույս» հատուկ մրցանակի հանձնման հանդիսավոր արարողությունը։ Մրցանակը շնորհվեց կոմպոզիտոր Տիգրան Մանսուրյանին՝ հայկական կինոյում ունեցած մեծ ավանդի համար։

«Մոսկվա» կինոթատրոնում «Երևանյան պրեմիերաների» շրջանակում ցուցադրվեցին Թոմ Ֆասարթիի «Ընտանեկան պատմություն» և Սերգեյ Լոզնիցայի «Հեզը» ֆիլմերը: Իսկ «Գերմանական կինոյի օր» ծրագրի շրջանակում տեղի ունեցավ Ֆաթիհ Աքինի «Անէությունից» ֆիլմի ցուցադրությունը: Այս ֆիլմը Աքինի վերջին աշխատանքն է, և հենց այդ ֆիլմում խաղացած դերի համար դերասանուհի Դիանա Քրյուգերն այս տարի արժանացավ Կաննի կինոփառատոնում «Ոսկե արմավենու ճյուղի»:

Grand Hotel Yerevan հյուրանոցում տեղի ունեցավ «Ոսկե ծիրան» փառատոնի մասնակիցների և լրագրողների ավանդական ու ոչ պաշտոնական մթոնոլորտում հանդիպումը, ինչպես նաև տեղի ունեցավ Հ. Բեկնազարյանի ծննդյան 125-ամյակին նվիրված նամականիշների մարման արարողությունը:

Երեկոյի ընթացքում «Արծաթե ծիրան» մեդալ շնորհվեց «Ոսկե ծիրանի» գործընկեր IDeA Foundation-ին: Կինոցուցադրությունները շարունակվեցին նաև Պողոսյան պարտեզներում, որտեղ ներկայացվեցին Շարլոթ Սքոթի «Դեյվիդ Աթենբորոն և հսկա դինոզավրը», ինչպես նաև Անդրեյ Լոշակի «Մահմուդ Դարվիշ» ֆիլմերը: Փառատոնային հինգերորդ օրը, կեսգիշերային հանդիպմամբ, ամփոփվեց The Club-ում:

Լրահոս
0