Գևորգ Օրբելյան
Զբոսաշրջային տեղեկատվական կենտրոնները շատ կարևոր դեր են խաղում ցանկացած քաղաքի և համայնքների համար ։ Sputnik Արմենիայի հետ զրույցում ասաց Երևանի քաղաքապետարանի տուրիզմի բաժնի պետ Գևորգ Օրբելյանը։
«Այդ իսկ պատճառով մենք մի քանի տարի շարունակ մշակում էինք կոնցեպտը և որոշում, թե որտեղ պետք է լինեն դրանք»,- ասաց նա։
Զբոսաշրջային տեղեկատվական կենտրոնների համար արդեն մի քանի տեղ է սահմանվել։ Ամենայն հավանականությամբ մեկը կլինի Հյուսիսային պողոտայի հարակից տարածքում, մյուսը` Երևանի պատմության թանգարանի ճեմասրահում, երրորդը` Վերնիսաժի հարակից տարածքում։
Ըստ Օրբելյանի` ամեն ինչ արվում է, որ այդ կենտրոնները միանման լինեն, գեղեցիկ, հյուրընկալ ու ջերմ, միաժամանակ համապատասխանեն միջազգային չափանիշներին։
