ԵՐԵՎԱՆ, 15 հուլիսի — Sputnik. Սևան Նիշանյանն ուրբաթ առավոտյան դուրս է եկել անվտանգության նվազագույն միջոցառումներ իրականացնող բանտից և չի վերադարձել: Այս մասին հաղորդում է Asbarez-ը:
Փախուստից հետո Նիշանյանի Twitter-ի էջում հայտնվել է հետևյալ գրառումը. «Թռչնակը թռավ. Նույնը մաղթում եմ մնացյալ 80 մլն-ին»:
Թուրք պատմաբան Թաներ Աքչամն արձագանքել է Նիշանյանի փախուստի մասին լուրին` գրելով. «Թռչնակը թռավ` հուսալով ազատ աշխարհ տեսնել բոլոր թռչունների համար»:
Հիշեցնենք, ոև հայազգի գրող Սևան Նիշանյանին ձերբակալել և դատապարտել էին Իզմիրի Սիրինջե գյուղի իր սեփական պարտեզում «անօրինական» շինարարություն իրականացնելու համար: Նրա ձերբակալությունը նրան լռեցնելու համար երկրի իշխանությունների կողմից ձեռնարկված միջոցառում էր, քանի որ Նիշանյանը պարբերաբար քննադատում էր թուրքական ռեժիմին:
