ԵՐԵՎԱՆ, 15 հուլիսի — Sputnik. Վրաստանին սահմանամերձ Բավրա գյուղում (Շիրակի մարզ) բացվել է հնդկաձավարի վերամշակման «Նոր հատիկ» գործարանը; Այս մասին հայտնում է «Հայաստան» համահայկական հիմնադրամի մամուլի ծառայությունը:
ԽՍՀՄ-ի փլուզումից հետո Հայաստանը հնդկաձավարը ներկրում էր այլ երկրներից:
Բավրայի գործարանը համախմբում է 28 կոոպերատիվ (շուրջ 430 ֆերմեր) Շիրակի, Լոռու և Արագածոտնի մարզերից:
Նորաբաց գործարանն առայժմ ունի 7 աշխատակից, սակայն հետագայում թիվն ավելանալու է:
Պաշտոնական տվյալով՝ տարեկան մոտ 8,000 տոննա հնդկաձավար է ներմուծվում Հայաստան: Տեղական արտադրության հնդկաձավարը ժամանակի ընթացքում կկրճատի
ներկրման ծավալները:
Գործարանը կառուցվել է «Հայաստան» համահայկական հիմնադրամի ու Եվրոպական հարևանության գյուղատնտեսության և գյուղի զարգացման ծրագրի (ENPARD) շնորհիվ, արգենտինահայ երեք հայրենասեր ընտանիքների՝ Դեվեճիէանների, Էսերճիէանների և Շիմշիրօղլուների ֆինանսավորմամբ։ Սարքավորումներն ապահովել է ՄԱԿ-ի արդյունաբերական զարգացման UNIDO կազմակերպությունը։
Եվրամիության ու Ավստրիայի զարգացման գործակալության համատեղ ֆինանսավորմամբ Հայաստանի 7 մարզերում 3.4 մլն եվրոյի ներդրում է իրականցվել հնդկացորենի ցանքատարածությունների մշակման ու 2 վերամշակող արտադրամասերի բացման համար: