ԵՐԵՎԱՆ, 17 հուլիսի — Sputnik. ՀՀ ոստիկանության պաշտոնական կայքը տեղեկացնում է, որ հուլիսի 4-ին ժամը 10.30-ի սահմաններում «Մերսեդես» մակնիշի ավտոմեքենայի վարորդը Սևան-Երևան ճանապարհի 18-րդ կմ-ին վրաերթի էր ենթարկել 57-ամյա տղամարդու։
Տուժողը՝ 1960 թ. ծնված Գրիգոր Մարգարյանը, մարմնական վնասվածքներով տեղափոխվել էր հիվանդանոց:
Չնայած բժիշկների ցուցաբերած ջանքերին, նրա կյանքը փրկել հնարավոր չի եղել։ Հուլիսի 15-ին ժամը 23.05-ի սահմաններում տուժողը հիվանդանոցում մահացել է:
Կատարվում է քննություն: