ԵՐԵՎԱՆ, 21 հուլիսի — Sputnik. Այսօր ՀՀ ոստիկանությունը հայտնաբերել և կալանավորել է «ԱՅԳ» հոգեբանական ծառայությունների կենտրոնի գիտական ղեկավար, պրոֆեսոր Ռուբեն Պողոսյանի մահվան գործով հետախուզման մեջ գտնվող 1983թ. ծնված Հ. Համբարձումյանին:
Այս լուրը Sputnik Արմենիայի հետ զրույցում հաստատեցին ՀՀ ոստիկանությունից։
Հիշեցնենք, որ հուլիսի 17-ին հիվանդանոցից ոստիկանության Կենտրոնականի բաժին հաղորդում է ստացվել, որ «դեմքի կտրած վերք, բազմաթիվ վերքեր, արյունահոսություն» ախտորոշմամբ բուժօգնության է տեղափոխվել 1947 թ. ծնված հոգեբան Ռուբեն Պողոսյանը։
Ոստիկանության ծառայողների ձեռնարկած միջոցառումների շնորհիվ պարզվել էր, որ նույն օրը, ժամը 14.00-ին, Մաշտոցի պողոտայի 40 շենքում գործող «ԱՅԳ» հոգեբանական կենտրոնում 1983 թ. ծնված Հրանտ Համբարձումյանը թուղթ կտրելու դանակով հարվածներ է հասցրել Ռ.Պ.-ի դեմքին և գլխին՝ պատճառելով կյանքի հետ անհամատեղելի վնասվածքներ:
