ԵՐԵՎԱՆ, 24 հուլիսի — Sputnik. Ռուսաստանի առաջնության առաջին երկու փուլերը ցույց տվեցին, որ Մոսկվայի «Սպարտակի» խաղին դեռ միասնականությունն է պակասում, ֆուտբոլիստները դեռ չեն կարողանում միմյանց հասկանալ, «Ռ–Սպորտ» գործակալությանը հայտնել է «Սպարտակի» վետերան Ալեքսանդր Միրզոյանը։
2016-17 խաղաշրջանին Ռուսաստանի չեմպիոնը ՌՖՊԼ–ի առաջին փուլում ոչ–ոքի խաղաց (2:2) Մոսկվայի «Դինամոյի» հետ, իսկ երկրորդ փուլում` ոչ ոքի «Ուֆայի» հետ(0:0)։
«Բանն այն է, որ խաղը դեռ լավ չի մշակված։ Կազմի մշտապես ռոտացիա է գնում, իսկ երբ դա տեղի է ունենում, խաղացողները հստակ չեն կարողանում կողմնորոշվել խաղում։ Մտահոգվել միշտ է պետք, հատկապես, երբ պարտվում ես։ Պետք է հասկանալ, ինչու գոլեր չեն լինում, թեև կային, դրվագներ, երբ հետաքրքիր էր նայել խաղացողների փոխգործակցությանը։ Սակայն խաղի մեջ դեռ միասնականություն չի նկատվում։ Բայց, չէ որ միավորներ են կորցնում, այդ երեք միավորները կարող են անհրաժեշտ լինել խաղաշրջանի վերջում։ Դա պետք է հաշվի առնել», – ասել է Միրզոյանը։
Ամեն դեպքում, նրա խոսքով, կազմը միշտ էլ պետք է միմյանց հետ խաղալու փորձ ձեռք բերի, փոխըմբռնում կլինի, եթե նրանք միշտ նույն կազմով հանդես գան։
