ԵՐԵՎԱՆ, 25 Հուլիս — Sputnik. Այսօր արտակարգ դեպք է տեղի ունեցել Շիրակի մարզում: Ժամը 09:10-ի սահմաններում Արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Գյումրու Հաղթանակի 92 հասցեի հարևանությամբ գտնվող բենզալցակայանի աշխատակիցը տևական ժամանակ է՝ չի արձագանքում դռան թակոցներին և հեռախոսազանգերինտեղեկացնում է shamshyan.com-ը,:
Փրկարարները, ոստիկանության Շիրակի մարզային վարչության ներկայացուցիչների և ընթերականների ու բենզալցակայանի աշխատակիցների հետ բացելով բենզալցակայանի դուռը, հայտնաբերել են 50-55 տարեկան տղամարդու դի:
Դատաբժշկի նախնական եզրակացության համաձայն՝ դիակի վրա բռնության հետքեր չեն հայտնաբերվել: Ըստ նախնական տեղեկությունների՝ հնարավոր է, տղամարդը հանկարծամահ է եղել: Փաստի առթիվ Շիրակի մարզային քննչական վարչությունում նյութեր են նախապատրաստվում։