ԵՐԵՎԱՆ, 25 Հուլիս — Sputnik. ՌԴ Ոստիկանության հատուկջոկատայիններին հաջողվել է բռնել և ձերբակալել իր բնակարանի պատուհանից անցորդների վրա կրակ բացելու մեջ կասկածվող տղամարդուն։
«Մարշալ Բիրյուզովի փողոցի վրա ծառայության ժամանակ ոստիկանության աշխատակիցներին է մոտեցել մի տղամարդ և ասել, որ անծանոթ մեկը անկանոն կրակ է բացել իր բնակարանի պատուհանից»,–տեղեկացնում է քաղաքային լուրերի «Մոսկվա» գործակալությունը։
Դեպքի վայր ժամանած ոստիկանները նախ արգելափակել են բոլոր այն փողոցների ելքերը, որոնցով հանցագործը կարող էր փախուստի դիմել, այնուհետև փրկարարների օգնությամբ նրանց հաջողվել է ներթափանցել տուն և ձերբակալել կրակող տղամարդուն։
Տան խուզարկման ժամանակ հայտնաբերվել է նաև օդամղիչ ատրճանակ և նռնակ հիշեցնող զենք։
Տուժածների մասին որևէ տեղեկություն չի հաղորդվում։
