ԵՐԵՎԱՆ, 2 օգոստոսի — Sputnik. Ջրի սակագինը կարող է բարձրանալ 14,3 դրամով։ Հայաստանի ջրամատակարարող «Վեոլիա ջուր» ընկերությունն այդ առաջարկով կդիմի Հանրային ծառայություները կարգավորող հանձնաժողով։
«Վեոլիա ջուրը» նախկինում ապահովում էր միայն Երևանի ջրամատակարարումը, իսկ 2017 թվականի հունվարի 1-ից` ամբողջ հանրապետության։
Խոշոր բաժանորդների համար սակագինը ներկա 54 դրամից առաջարկվում է հասցնել 58,3 դրամի:
Ընդ որում, հունվարի 1-ից խմելու ջուրն արդեն իսկ թանկացել է Հայաստանի գրեթե բոլոր մարզերի բնակիչների համար։ Հայաստանում ընդունվեց միասնական սակագին. 180 դրամ՝ 1 խմ դիմաց։
Նշենք, որ Հանրային ծառայությունները կարգավորող հանձնաժողովը սակագնի մասին հայտը պարտավոր է քննարկել և որոշում կայացնել առավելագույնը 90 օրվա ընթացքում:
«Վեոլիա ջուր»-ը ֆրանսիական «Veolia Generale des Eaux»-ի դուստր ձեռնարկությունն է։
