Հայաստանի երկաթուղու աշխատակիցները պատրաստվում են մասնագիտական տոնին

Բաժանորդագրվեք
НовостиTelegram
Հայաստանի երկաթուղու աշխատակիցներին շնորհավորել են մասնագիտական տոնի կապակցությամբ։ Չնայած երկաթուղայինների օրն օգոստոսի 6–ին է` կիրակի օրը, բայց այստեղ մասնագիտական տոնը սկսել են նշել արդեն ուրբաթ օրվանից։ Եռակի տոնը նշելու համար Երևանի Երկաթուղային կայարանում այսօր հավաքվել էին տվյալ բնագավառի մասնագետները, պատվավոր հյուրեր։

Այս տարի երկաթուղինները, բացի իրենց մասնագիտական տոնից, կնշեն միանգամից երեք առանցքային հոբելյան` Ալեքսանդրապոլից Էրիվան առաջին գնացքի ժամանման 115 ամյակը, Ջաջուռի թունելի հորատման 120 ամյակը և Հայաստանի երկաթուղային ցանցի ամբողջական էլեկտրաֆիկացման 50 տարին։

Միջոցառման շրջանակներում աչքի ընկնող երկաթուղային աշխատակիցները արժանացան պատվոգրերի և այլ արժեքավոր նվերների։ «Հարավկովկասյան երկաթուղի» ՓԲԸ հայտարարել է, որ օգոստոսի 6–ին միջքաղաքային բոլոր ուղղություններով երթևեկությունը լինելու է անվճար։ Անգամ իրենց մասնագիտական տոնին Հայաստանի երկաթուղայինի աշխատակիցները կաշխատեն սովորական ռեժիմով` ապահովելով երկաթուղու անխափան աշխատանքը և հոգ տանելով ուղևորների հարմարավետության համար։

Լրահոս
0