ԵՐԵՎԱՆ, 7 օգոստոսի — Sputnik. Այսօր մեկնարկել է Հաղարծնի հոգևր-մշակութային փառատոնը, որը կտևի մեկ շաբաթ, տեղեկացնում է Տավուշի թեմի երիտասարդաց միությունը։
Միջոցառումը կազմակերպվում է երկրորդ անգամ: Այն նպատակ ունի ներկայացնել Հաղարծնի վանքի (X-XII դար) հարուստ հոգևոր ժառանգությունն ու առանձնահատուկ դերը հայ մշակույթի զարգացման մեջ:
Հաղարծնի հոգևոր-մշակութային շաբաթվա շրջանակում վանքի տարածքում կանցկացվեն ժողովրդական արվեստի տարբեր ճյուղերի բացօթյա դասեր, տարածաշրջանի խոհանոցին բնորոշ տեղական կաթնահունցի, քաղցրավենիքի, ապուրների պատրաստման ցուցադրություններ, ազգային պարերի ուսուցում, հոգևոր երաժշտության համերգներ:
Շաբաթը կուղեկցվի եկեղեցական արարողություններով, Աստվածաշնչի ընթերցմամբ, հոգևոր երգեցողությամբ ու աղոթքով: