ԵՐԵՎԱՆ, 14 օգոստոսի — Sputnik. Ղազախստանի ու Ռուսաստանի վարչապետները Եվրասիական միջկառավարական խորհրդի նիստի ժամանակ իրենց հայ գործընկերոջը շնորհավորել են ծննդյան օրվա առթիվ։
Հայաստանի վարչապետ Կարեն Կարապետյանն օգոստոսի 14–ին նշում է իր 54–ամյակը։
«Սիրելի գործընկերներ, մենք առավոտյան արդեն շնորհավորել ենք պարոն Կարապետյանին ծննդյան օրվա առթիվ։ Այդուհանդերձ, անձամբ իմ ու մեր գործընկերների անունից ևս մեկ անգամ շնորհավորում եմ Ձեր ծնունդն ու մաղթում առողջություն, բարեկեցություն, հաջողություն աշխատանքում», –նիստի բացմանն ասել է Ղազախստանի վարչապետ Բակիջան Սագինտաևը։
«Եվս մեկ անգամ շնորհավորում ենք պարոն Կարապետյանին։ Իրականում ծննդյան օրը գործուղման ժամանակ նշելը լավ նախանշան է», – ասել է Ռուսաստանի կառավարության ներկայացուցիչ Դմիտրի Մեդվեդևը։
Եվրասիական միջկառավարական խորհրդի նիստը մեկնարկել է այսօր` օգոստոսի 14-ին, Աստանայում։ Նիստին մասնակցում են Եվրասիական տնտեսական միության մասնակից երկրների`Ղազախստանի, Հայաստանի, Բելառուսի, Ղրղըզստանի ու Ռուսաստանի վարչապետները։
