Լևոն Արոնյանը` միանձնյա հաղթող

ԵՐԵՎԱՆ, 17 օգոստոսի — Sputnik. Ավարտվեց Grand Chess Tour-ի 4-րդ փուլի Սենթ Լուիսի կայծակնային շախմատի մրցաշարը։ Հայաստանի շախմատի հավաքականի առաջատար, գրոսմայստեր Լևոն Արոնյանը երեկ դարձավ Grand Chess Tour-ի միանձնյա հաղթող։ Այս մասին տեղեկացնում է chess.am–ը։

Երեկ կայացած վերջին 3 տուրում նա առավելության հասավ Կարյակինի ու Դոմինգեսի նկատմամբ և ոչ ոքի խաղաց Նակամուրայի հետ։

Արդյունքում՝ 12 միավորով (հաղթանակի համար տրվում  է 2, ոչ ոքիի համար 1 միավոր) դարձավ մրցաշարի միանձնյա հաղթողը։ 2-3-րդ տեղերը 11 միավորով զբաղեցրեցին Նակամուրան և Կարուանան։ Գարի Կասպարովը վերջին 3 տուրից 2-ում պարտվեց, իսկ մեկում խաղաց ոչ ոքի՝ ավարտելով մրցաշարը 7 միավորով և կիսելով 8-10-րդ տեղերը։

Այսօր արդեն մեկնարկելու է արագ շախմատի մրցաշարը։ Այն տևելու է 2 օր և յուրաքանչյուր օր խաղացվելու է 9 տուր։