«Եվրոպական շատ երկրներում կան Ստալինգրադի հրապարակներ, փողոցներ, Փարիզում կա մետրոյի Ստալինգրադ կայարան, Բրյուսելի գլխավոր փողոցներից մեկը Ստալինգրադի պողոտան է, Բոլոնիայի գլխավոր փողոցն է Ստալինգրադի անվանը: Ստացվում է` Ֆրանսիան, Իտալիան, Բելգիան տոտալիտար համակարգեր են, իրենք էլ աչքերը բացել, ժողովրդավարական են դարձել»,-ասում է Շարմազանովը:
Փոխխոսնակի կարծիքով` այն, որ Միկոյանը սխալներ գործել է, ՌԴ–ն էլ է ընդունել, բայց 20-րդ դարի խոշորագույն քաղաքական գործչին միայն բոլշևիկի պիտակ տալն, անգրագիտություն է: «Եթե Արտեմ և Անաստաս Միկոյանների մակարդակի գործիչներ ունենային, օրինակ, ադրբեջանցիները, հիմա աշխարհով մեկ էին արել»,–ասում է նա:
Շարմազանովն ափսոսում է, որ Երևանում չկա Միկոյան եղբայրների արձան, չկան Գոհար Գասպարյանի,Սոս Սարգսյանի ու էլի շատ գործիչների անուններով փողոցներ, դպրոցներ: Կգա ժամանակը, կլինի, բայց ոչ խորհրդային հերոսների ու գործիչների հաշվին:
