ԵՐԵՎԱՆ, 24 օգոստոսի — Sputnik. Ամուսնանալուց և Կարիբյան կղզու Անտիգուա և Բարբուդա կղզիներում ռոմանտիկ մեղրամիս անցկացնելուց հետո Լինոել Մեսսին ու նրա կինը` Անտոնելա Ռոկուցոն, երրորդ անգամ ծնող կդառնան։ Արգենտինայի ԶԼՄ-ների տվյալներով` այս լուրը հաստատել է Մեսսի ընտանիքը։
Եթե հաստատվի, որ Անտոնելան հղիացել է մեղրամսի ժամանակ, ապա զույգի երրորդ երեխան լույս աշխարհ կգա 2018 թվականի Աշխարհի գավաթի մեկնարկից երեք ամիս անց:
Նշենք, որ Մեսսին և Ռոկուցոն արդեն երկու որդի ունեն` Տյագոն (4 տարեկան) և Մաթեոն (2): Հունիսի 30-ին զույգն օրինականացրել է հարաբերությունները հայրենի Ռոսարիո քաղաքում:
