ԵՐԵՎԱՆ, 24 օգոստոսի — Sputnik. Մարզական մեկնաբան Վասիլի Ուտկինի կարծիքով` նորմալ է, երբ Անդրկովկասում առաջատար ակումբներն անվանվում են հարևան երկրների տեղանուններով։ Նա այդ մասին գրառում է կատարել Թվիթերի իր միկրոբլոգում։
«Ընդհանրապես Անդրկովկասում կան լավ ավանդույթներ` երկրի առաջատար ակումբն անվանել հարևան երկրի տեղանուններով, օրինակ` Ղարաբաղ, Արարատ»,- Թվիթերում գրել է Ուտկինը՝ նկատի ունենալով ադրբեջանական «Ղարաբաղ» ակումբը։
Նրա գրառումը, մեղմ ասած, զայրացրել է ադրբեջանցիներին. դրա վկայությունն են նրանց հիստերիկ գրառումները։ Իսկ Վասիլի Ուտկինը «Ղարաբաղի» թեմայից անցում է կատարել տոլմայի թեմային։
«Որպեսզի կենսական կարևորագույն հարցերում այլևս չսխալվենք, եկեք մեկընդմիշտ լուծենք այս հարցը` տոլման հայկակա՞ն ուտեստ է, թե՞ ադրբեջանական»։
Նա Թվիթերում հարցում է անցկացրել այս թեմայով, և, ինչպես կարելի էր կանխատեսել, օգտատերերի գերակշիռ մեծամասնությունը քվեարկել է «հայկականի» օգտին։ Քվեարկողների 64 տոկոսը նշել է, որ տոլման հայկական ուտեստ է։
Чтобы больше не ошибаться в важнейших вопросах бытия, давайте решим раз и навсегда: долма — это блюдо
— Василий Уткин (@radioutkin) 24 августа 2017 г.
