Կրճատումներ կարվեն հիմնականում դպրոցների ադմինիստրատիվ և ուսումնաօժանդակ կազմի աշխատակիցների հաշվին։ Մեկնաբանելով Երևանի ու մարզերի 1 տասնյակից ավելի դպրոցներ օպտիմալացնելու մասին կառավարության որոշումը` լրագրողներին հայտնեց ԿԳ նախարար Լևոն Մկրտչյանը։
Ինչ վերաբերում է կրճատված ուսուցիչներին, նախարարի խոսքով, նրանց փորձ է արվում աշխատանքի տեղավորել այլ դպրոցներում։
Իսկ այն ուսուցիչները, որոնց կենսաթոշակային տարիքը` 65 տարեկանը, լրացել է, բայց նրանք դեռ ցանկանում են աշխատել, նախարարությունն առաջարկելու է աշխատել գյուղական դպրոցներում։
«Մարդիկ եթե համաձայն կլինեն աշխատել, գյուղ գնալ և օգտակար աշխատանք կատարել այնտեղ, որտեղ ուսուցչական կազմը չի հավաքվում, հատկապես` գյուղական շրջաններում, այնտեղ կարելի է թոշակառուներին աշխատանքի ընդունել»,- ասաց նախարարը։
Հիշեցնենք` կառավարության այսօրվա նիստում որոշում է կայացվել օպտիմալացնել 3 երևանյան և 11 մարզային դպրոցներ։
