ԵՐԵՎԱՆ, 25 օգոստոսի — Sputnik. Օգոստոսի 17-ին Կիևյան կամրջից նետված 17-ամյա աղջիկն «Արմենիա» բժշկական կենտրոնում մահացել է: Տեղեկությունը Sputnik Արմենիային հաստատեցին հիվանդանոցից։
«Ծայրահեղ ծանր վիճակում հիվանդանոց տեղափոխված աղջիկը մահացել է երեկ` օգոստոսի 24-ին, ժամը 22։00–ի սահմանում»,- նշեցին հիվանդանոցից:
Հիշեցնենք` ՀՀ արտակարգ իրավիճակների նախարարությունն օգոստոսի 24-ին, ժամը 16:02-ին ահազանգ էր ստացվել, որ Երևան քաղաքի Կիևյան կամրջից քաղաքացին ցած է նետվել Հրազդան գետը, անհրաժեշտ է փրկարարների օգնությունը:
Դեպքի վայր էր մեկնել մեկ մարտական հաշվարկ:
Մինչ փրկարարների՝ կանչի վայր հասնելը աղջիկը տեղի ուժերով դուրս էր բերվել գետից: Այնուհետև աղջիկը հոսպիտալացվել էր «Արմենիա» բժշկական կենտրոն:
