ԵՐԵՎԱՆ, 27 օգոստոսի — Sputnik. Օգոստոսի 26-ին, ժամը 12:23-ին ահազանգ է ստացվել, որ Խուստուփ լեռան ետնամասից ծուխ է նկատվում:
Դեպքի վայր է մեկնել 17 հրշեջ-փրկարար: Այս մասին հայտնում է ՀՀ ԱԻՆ մամուլի ծառայությունը:
Պարզվել է, որ Ձագեձոր գյուղի մոտակա սարալանջին այրվում է խոտածածկույթ, առկա է տարածման վտանգ:
Սահմանվել է հերթապահություն։
Մինչ հրշեջ-փրկարարների՝ դեպքի վայր հասնելը հրդեհն ինքնամարվել է: Այրվել է 10 հա խոտածածկ տարածք:
