ԵՐԵՎԱՆ, 27 օգոստոսի — Sputnik. Պրեմիեր լիգայի 3-րդ տուրում «Մանչեսթեր Յունայթեդը» «Օլդ Թրաֆորդում» ընդունեց «Լեսթերին» և հաղթեց 2:0 հաշվով:
Խաղի հաշիվը բացվեց «կարմիր սատանաների» հայ կիսապաշտպան Հենրիխ Մխիթարյանի փոխանցումից հետո:
Հանդիպումից հետո Մխիթարյանը գրառում է կատարել սոցցանցերում:
«Հուսով եմ, որ ընթացիկ մրցաշրջանում բազում գոլերի և գոլային փոխանցումների հեղինակ կդառնամ: Առաջ, «Մանչեսթեր Յունայթեդ»»,- գրել է նա:
Նշենք, որ Մխիթարյանը Պրեմիեր լիգայի 2017/18թթ. առաջնության 3 տուրերում դարձել է 5 գոլային փոխանցման հեղինակ: