ԵՐԵՎԱՆ, 27 օգոստոսի — Sputnik. Տեղեկատվական պատերազմը կավարտվի այն ժամանակ, երբ մարդկությանը սպառնացող իրական մարտահրավերներին դիմակայելու անհրաժեշտություն կառաջանա: Ղրիմում կայացած համաժողովի ժամանակ այս մասին ասել է «Ռոսիա սեգոդնյա» ՄՏԳ-ի և RT հեռուստաընկերության գլխավոր խմբագիր Մարգարիտա Սիմոնյանը:
«Ես լավատես եմ: Հույս ունեմ, որ այդ պատերազմը կավարտվի մեր օրոք»,- ասել է Սիմոնյանը:
Նրա խոսքով՝ RT-ի հետ համագործակցող քաղաքագետները, փորձագետներն ու նրանց ընտանիքների անդամները հետապնդումների զոհ են դառնում ԱՄՆ-ում:
Սիմոնյանը նշել է, որ ճանաչման հասնելու ճանապահին պրոֆեսիոնալ լրագրողական էթիկան պետք է առաջնորդվի բժշկական «մի՛ վնասիր» սկզբունքով:
Նա վստահեցրել է նաև, որ տեղեկատվական տեխնոլոգիաների հետագա զարգացումը կնվազեցնի խոշոր ԶԼՄ-ների լսարանը:
