Հովհաննես Բաչկովն աշխարհի առաջնությունում առնվազն բրոնզե մեդալ ապահովեց

© Олимпийский комитет РА/ARMNOCОваннес Бачков
Ованнес Бачков - Sputnik Արմենիա
Բաժանորդագրվեք
Համբուրգում ընթացող բռնցքամարտի աշխարհի առաջնությունում այսօր Հայաստանը ներկայացնող Հովհաննես Բաչկովը, հաղթանակ տանելով քառորդ եզրափակիչում, ապահովեց բրոնզե մեդալը:

ԵՐԵՎԱՆ, 29 օգոստոսի — Sputnik. 64 կգ քաշային կարգում Եվրոպայի գործող չեմպիոնը Հովհաննես Բաչկովը Համբուրգում ևս մեկ շատ գրագետ մենամարտ անցկացրեց, որի ավարտից հետո մրցավարները հաղթանակ շնորհեցին հայ բռնցքամարտիկին մոնղոլ Չինզորիգ Բաատարշուխի հետ պայքարում:

Աշխարհի առաջնությունում Հայաստանը ներկայացնում էին երկու բռնցքամարտիկներ՝ Կարեն Տոնականյանն ու Հովհաննես Բաչկովը: Կարեն Տոնականյանը երեկ 60 կգ քաշային կարգում պարտվեց Ուզբեկստանի ներկայացուցիչ Էլնուր Աբդուռահիմովին: Միակ հույսը մնաց գյումրեցի Հովհաննես Բաչկովը, որն էլ այսօր արդեն ապահովեց աշխարհի առաջնության մեդալը:

Քառորդ եզրափակիչում Բաչկովը շատ լավ պահելով հարվածային տարածությունը և ակնթարթային արագացումների շնորհիվ կարողացավ հասնել իր նպատակին՝ նախևառաջ մոնղոլ մրցակցին գերազանցելով մարտը վարելու գրագիտությամբ և հստակ իրականացված մարտավարությամբ: Նույն գործոնները մեր բռնցքամարտիկից պահանջվելու են նաև կիսաեզրափակիչ մենամարտում, որտեղ մրցակիցն անհամեմատ ավելի ուժեղ է լինելու:

Օգոստոսի 31-ին աշխարհի առաջնության եզրափակիչ դուրս գալու համար Հովհաննես Բաչկովը մենամարտելու է կուբացի Էնդի Կրուզ Գոմեսի հետ: Մրցակիցը Պանամերիկյան խաղերի հաղթող է ու ավելի բարձրահասակ է մեր բռնցքամարտիկից: Հետևաբար Բաչկովի համար արդեն հարկավոր է զրկել մրցակցին տարածության վրա մարտ վարելուց ու մոտենալով կուբացուն կարճ տարածության վրա կամ մերձամարտում նոր հաղթանակ կերտել:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала