«Նաիրիտ» գործարանի հրդեհի հետևանքով թունավորումների դեպքերի մասին տվյալներ չկան, բայց ծուխն ինքնին թունավորման պատճառ կարող է դառնալ: Sputnik Արմենիայի հետ զրույցում ասաց ՀՀ գլխավոր թոքաբան Անդրանիկ Ոսկանյանը։
«Հատկապես քրոնիկ հիվանդները պետք է ուշադիր հետևեն իրենց առողջությանը: Խորհուրդը մեկն է ու հիմնականը՝ նշանակված դեղորայքները օգտագործել կանոնակարգված և ըստ նախատեսածի: Սրացման այս կամ այն երևույթների դեպքում դիմել բուժող բժշկին: Սա` բժշկական պաշտպանվածության մասին»,- ասաց նա։
Սոցիալական պաշտպանվածության համար ևս մի քանի գործողություն է պետք շարունակել նաև այսօր:
Ոսկանյանի խոսքով` հրդեհի օջախին մոտ և թանձր ծխի հասանելիության պայմաններում ապրող բնակիչներին ՀՀ գլխավոր թոքաբանը խորհուրդ տվեց լուսամուտները փակ պահել, իսկ եթե ծուխը թափանցել է ներս, ապա կրել թաց դիմակներ:
ԱԻՆ-ը խոստանում է, որ քամին ծուխը կքշի Թուրքիա: Հանրապետության գլխավոր թոքաբանը հույսը, ինչպես ասում են, բնական օդափոխիչների վրա է դրել. ևրևացիներին կփրկեն Արարատն ու Արագածը: Կուտակված ծուխ քաղաքի վրա չի մնա:
