ԵՐԵՎԱՆ, 29 օգոստոսի – Sputnik. Օգոստոսի 29-ին, ժամը 10:30-ի դրությամբ «Խոսրովի անտառ» պետական արգելոց ՊՈԱԿ-ի տարածքում հետհանգեցման աշխատանքները շարունակվում են: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Աշխատանքներին մասնակցում են 27 փրկարար, արգելոցի 14 աշխատակից:
Ժամը 09:42-ի դրությամբ հայտնաբերվել է ծխացող 5 օջախ: Աշխատանքներում ներգրավված է նաև ДТ-75 տրակտոր:
Օգոստոսի 29-ին, ժամը 09:03-ին տեղեկություն է ստացվել, որ Խոսրովի պետական արգելոցում աշխատանքներն իրականացվել են 4 տեղամասերում («Կուժ Կարասի» կոչվող տարածք), որից 3 տեղամասերում հայտնաբերվել է հրդեհի 13 ծխացող օջախ, մեկը՝ բռնկումով (մոտ 200 քմ տարածքում):
Աշխատանքներին մասնակցել են 33 փրկարար, արգելոցի 9 աշխատակից և ոստիկանության Արարատի բաժնից 5 ոստիկան:
Դեպքի վայրում է եղել նաև ՀՀ արտակարգ իրավիճակների նախարար Դավիթ Տոնոյանը:
