ԵՐԵՎԱՆ, 1 սեպտեմբերի — Sputnik. Իշխող «Հանրապետական» կուսակցությունը նոր վարչապետի հարցում կկողմնորոշվի հաջորդ տարվա ապրիլին։ Այսօր` սեպտեմբերի 1-ին այս մասին լրագրողներին ասաց ԱԺ նախագահ Արա Բաբլոյանը։
«Երեխաների համար կարևոր է, որ լինի խաղաղություն, որ իրենք կարողանան սովորել: Ծնողների համար կարևոր է երկրի զարգացումը: Կգանք ապրիլին և միասին կընտրենք վարչապետին»:
Դիտարկմանը, որ տեսակետ կա, թե այս հարցում Կառավարությունը միատարր որոշում չունի, Բաբլոյանն ասաց. «Հանրապետականը միատարր է, և մենք ունենք միատարր կարծիք, որը կորոշվի ապրիլին»:
Գործող վարչապետ Կարեն Կարապետյանը վարչապետ է նշանակվել 2016 թվականի սեպտեմբերին։ Կառավարությունը ձևավորվել է 2017 թվականի ապրիլի 2-ին կայացած խորհրդարանական ընտրություններից հետո։ ԱԺ-ն կառավարության ծրագիրը հավանության է արժանացրել 2017 թվական հունիսի 22-ին։