ԵՐԵՎԱՆ, 3 սեպտեմբերի — Sputnik. Մոսկվայի «Արարատի» գլխավոր տնօրեն Վալերի Հովհաննիսյանը հերքել է ակումբի հայտարարությունը, համաձայն որի, նա ակումբի հաշվեհամարից իր հաշվին 20 մլն ռուբլի է փոխանցել: Այս մասին նա ասել է «Матч ТВ»-ին տված հարցազրույցում:
«Դժգոհ եմ եղել Լիպեցկի «Մետալուրգի» (1:1) հետ կայացած խաղի արդյունքից: Այդ խաղում մենք հաղթանակի հույս ունեինք: Այժմ գտնվում եմ Ռուսաստանի սահմաններից դուրս, բայց կարդում եմ, թե ինչեր են գրում իմ մասին:
Պարզապես չեմ հասկանում, թե ինչպե՞ս կարող եմ 20 մլն ռուբլի փոխանցել իմ հաշվեհամարին, եթե ակումբի միակ հիմնադիրը ես եմ: Ինձ մոտ ոչ պետական, ոչ էլ այլ կազմակերպությունների բյուջե կա: Գումարային փոխանցումներ կատարելու համար ինչ-որ մեկին պետք է հաշվետվությո՞ւն տամ»,- ասել է Հովհաննիսյանը՝ հարցազրույցի ժամանակ:
Նա պնդել է, որ «Արարատի» նախագահի պաշտոնից չի հեռացել: Իսկ երկրի սահմաններից դուրս է գտնվում առողջական խնդիրներով:
