ԵՐԵՎԱՆ, 3 սեպտեմբերի — Sputnik. Հայաստանն ընդգրկվել է Ռուսաստանից արտագնա զբոսաշրջային այցելությունների ամենամեծ քանակով լավագույն 30 երկրների ցանկում: Հայաստանը 26-րդ տեղում է:
«ՏուրՍտատ» գործակալությունը վերլուծել է ՌԴ-ից արտագնա զբոսաշրջության վիճակագրությունը: Վերլուծել են 2017 թվականի առաջին կիսամյակը։
Ըստ այդմ՝ Ռուսաստանից Հայաստան զբոսաշրջային այցելությունների քանակը 2017թ. առաջին վեց ամսում աճել է 37%-ով և կազմել 171 հազար, իսկ արտագնա զբոսաշրջիկների ընդհանուր թիվը՝ 17 միլիոն։
Հիշեցնենք՝ այն բանից հետո, երբ կառավարությունը հավանություն տվեց ՌԴ քաղաքացիներին ներքին անձնագրերով ՀՀ տարածք մուտքի, ելքի և տեղաշարժվելու հնարավորության որոշմանը, Ռուսաստանից զբոսաշրջիկների թվի աճն ակնհայտ դարձավ:
