Հանրապետության նախագահն արտակարգ իրավիճակների աշխատողի օրվա կապակցությամբ` ծառայողական պարտականությունները կատարելիս ցուցաբերած խիզախության, Հայաստանի տարածքում հրդեհների մարման աշխատանքներում դրսևորած մասնագիտական բարձր պատրաստվածության և նվիրումի համար պետական պարգևներ հանձնեց արտակարգ իրավիճակների նախարարության և հրդեհաշիջման աշխատանքներին առավելագույնս մասնակցություն ունեցած մի խումբ անձանց:
Sputnik Արմենիայի հետ զրույցում պետական պարգևներ ստացած փրկարարները հայտնեցին, որ պատիվ ունեն նման գնահատանքի արժանանալու, շարունակելու են ծառայություն մատուցել պետությանն ու քաղաքացիներին։
Նախագահ Սարգսյանը մասնակցեց նաև հիմնովին վերանորոգված ԱԻՆ երրորդ մասնաշենքի բացման արարողությանը:
