ԵՐԵՎԱՆ, 5 սեպտեմբերի — Sputnik. Հանրապետության տարածքում սեպտեմբերի 5-6-ը սպասվում է առանց տեղումների եղանակ, 7-ին առավելապես հյուսիսային շրջաններում երեկոյան ժամերին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ:
Քամին կլինի հարավարևմտյան՝ 3-8 մ/վ արագության:
Սեպտեմբերի 5-9-ը հանրապետությունում սպասվում է բարձր կարգի հրդեհավտանգ իրավիճակ։
Օդի ջերմաստիճանը սեպտեմբերի 7-8-ը կնվազի 3-4 աստիճանով:
Երևան քաղաքում սեպտեմբերի 5-6-ը սպասվում է առանց տեղումների եղանակ, 7-ին՝ երեկոյան ժամերին, սպասվում է ամպրոպ, առանձին հատվածներում կա կարճատև անձրևի հավանականություն:
Այսօր ցերեկային ժամերին մայրաքաղաքում օդի ջերմաստիճանը կկազմի 35-37, գիշերային ժամերին` 19-21 աստիճան տաքություն։
