ԵՐԵՎԱՆ, 5 սեպտեմբերի — Sputnik. «Հրազդանի քաղաքապետի որդու՝ մահվան ելքով վրաերթի դեպքից հետո ո՛չ հայրը՝ Արամ Դանիելյանը պատժվեց, ո՛չ որդին՝ Ռազմիկ Դանիելյանը»,- գրում է թերթը։
«Քաղաքապետը շարունակում է պաշտոնավարել, իսկ նրա անչափահաս որդուն, որը հոր ծառայողական մեքենայով, առանց վարորդական իրավունքի, վրաերթի էր ենթարկել փողոցում իր գործն անող 58-ամյա մարդուն, ոչ միայն չձերբակալեցին, այլև օրերս հյուրընկալել են ՀՀ նախագահի նստավայրում և պարգևատրել»,- նշված է հոդվածում։
Գիտելիքի և դպրության օրվա կապակցությամբ Սերժ Սարգսյանը 2016-2017 ուստարում բարձր առաջադիմություն ցուցաբերած դպրոցականներին, այդ թվում՝ նաև Ռազմիկ Դանիելյանին, ոսկե մեդալ է տվել։
«Սա, թերևս, իրավապահները որպես քրեական գործը կոծկելու հրահանգ ընկալեն»,-գրում է «Հրապարակը»:
