Աստղադիտարա՞ն, դամբարա՞ն, թե՞ բաղնիք

© Sputnik / Karen YepremyanКараундж
Караундж - Sputnik Արմենիա
Բաժանորդագրվեք
НовостиTelegram
Ինչ են թաքցնում Զորաց Քարերը։

ԵՐԵՎԱՆ, 7 սեպտեմբերի — Sputnik, Դիանա Հարությունյան. Զորաց Քարերի շուրջ հյուսված լեգենդը գուցե շուտով փշրվի: Կենտրոնական դամբարանի պեղումներն, առայժմ, գիտնականներին թույլ չեն տալիս ասել, թե գործ ունենք հնագույն աստղադիտարանի հետ:

Караундж - Sputnik Արմենիա
Քարահունջ․ Հայաստանի «խոսող» քարերն ու նրանց կապը Քեոփսի բուրգի հետ

Հայտնաբերված գտածոները՝ բրոնզե ապարանջաններ, երկաթե նիզակներ, խեցեղեն ու անգամ կմախքներ, մի բան են վկայում՝ այստեղ թաղումներ են եղել, ընդ որում՝ չորս տարբեր ժամանակաշրջաններում:

Ամենավաղ գտածոները մ. թ. ա. 5-4 դարերի են կամ մ. թ. ա. 18-րդ դարի, հետո նաև 14-13-րդ դարերի են, մեզ հետ զրույցում տեղեկացրեց արշավախմբի ղեկավար Աշոտ Փիլիպոսյանը: Առաջինում 30-ից ավելի դամբարաններ կան, որոնք թալանված են: Ըստ նրա՝ հիմա անգամ անգլիացիներն են կասկածի տակ դրել հայտնի Սթոնհենջի՝ աստղադիտարան լինելու վարկածը: Ավելին,կան ապացույցներ, որ դա կրոնական ծիսական արարողությունների վայր է եղել, անգամ մարդկային զոհաբերություններ են կատարվել: Հետևաբար, այս պահին չարժե անգամ քննարկել Զորաց Քարերի ու Սթոնհենջի միջև հնարավոր կապը, հատկապես, որ թե՛ Մեծ Բրիտանիայում, թե՛ Հայաստանում այսօրինակ հնագիտական հուշարձաններ էլի կան:

«Զորաց քարերը հնագիտական հուշարձան են, այն օգտագործվել է մեկ հազարամյակ»,- ընդգծում է արշավախմբի ղեկավարը:

Այն ունի դամբարանադաշտ և բնակավայր: Բնակավայրն, առհասարակ, ուսումնասիրված չէ: Ինչ կտա դրա ուսումնասիրությունը, առայժմ դժվար է ասել:

© Sputnik / Karen EpremyanՔարահունջի գտածոները
Артефакты найденные во время раскопок в Караундже - Sputnik Արմենիա
Քարահունջի գտածոները

Նրա կարծիքով՝ հիմա ամեն ինչ էքսկուրսավարների ու այցելուների երևակայությանն է թողնված: Ոմանք այս տարածքը բաղնիքի, որոշներն՝ անգամ անասնագոմի են նմանեցնում:

Զորաց Քարերն արդեն վաղուց դարձել են հարավային ուղղությամբ զբոսաշրջություն իրականացնող ընկերությունների սիրելի վայրը:

Պատմամշակութային արգելոց-թանգարանների և պատմական միջավայրի պահպանության ծառայության ՊՈԱԿ-ի տնօրենի տեղակալ Կարեն Փահլևանյանը շեշտում է՝ խնդիր կա հիմա, օգտագործելով այս հանգամանքը, ֆինանսական հոսքերն ուղղել կառույցի բյուջե: Ապագայում Զորաց Քարեր այցելությունը տոմսով կլինի: Մինչև զբոսաշրջային նոր սեզոնը, նախատեսվում է տարածքն անհրաժեշտ ենթակառուցվածքներով ապահովել:

Լրահոս
0