ԵՐԵՎԱՆ, 8 սեպտեմբերի — Sputnik. ԱԻՆ նախարարը սեպտեմբերի 7-8–ը հաղորդագրություն է ստացել Հայաստանի տարբեր մարզերում բռնկված հրդեհների մասին, հայտնում է գերատեսչության մամուլի ծառայությունը։
Տարբեր մակերեսով խոտածածկ տարածքներ էին այրվում Երևանում (Վարդաշենի փ., Սարկավագի փ.), Երևան–Սևան ավտոմայրուղու մերձակայքում (Նոր Հաճնի կամրջից քիչ հեռու, «Չայնիի» ոլորաններ)։
Հրդեհներ են գրանցվել նաև Սյունիքի մարզում` Նորավան գյուղի հարակից տարածքում, Արարատի մարզի Մասիս քաղաքում, Այնթափ գյուղի կամրջի մոտակայքում, Վեդի քաղաքում, Ներքին Սասնաշեն գյուղում, Լանջանիստ գյուղի «Շամամլուի ձոր» կոչվող տարածքում, ինչպես նաև Շիրակի մարզի Գյումրի քաղաքի Անտառավան թաղամասի 5-րդ փողոցի տնակներից մեկի մոտակայքում, Գեղարքունիքի մարզի Գավառ քաղաքի «Գեղամա» հանգստյան տան հարակից տարածքում, Արագածոտնի մարզի Տեղեր գյուղում, Վայոց ձորի մարզի Սարավան և Մալիշկա գյուղերում։
Հրդեհ է գրանցվել նաև Լոռու մարզի Ծաղկաբեր գյուղի հարակից տարածքում, Սուրենավան գյուղի սկզբնամասում, Տավուշի մարզի Բարեկամավան գյուղում, Ծաղկավան գյուղում, Կոտայքի մարզի Ձորաղբյուր գյուղի գերեզմանատան մոտակայքում, Բյուրեղավան քաղաքի արհեստագործական ուսումնարանի մոտակայքում։
Բոլոր հրդեհները հրշեջ-փրկարարները մեկուսացրել են և մարել:
ԱԻՆ տվյալների համաձայն, սեպտեմբերի 8-12-ը հանրապետության տարածքում բարձր կարգի հրդեհավտանգ իրավիճակը պահպանվում է։
