ԵՐԵՎԱՆ, 10 սեպտեմբերի — Sputnik. Հանրապետությունում արձանագրվել է բանջարեղենի ու մրգի գնային իջեցում՝ համապատասխանաբար 14.4% և 6.6% գնանկումով: Բանջարեղենի ապրանքախմբում 2017թ. օգոստոսին 2016թ. օգոստոսի համեմատ արձանագրվել է 2.9%, իսկ 2017թ. հուլիսի համեմատ` 14.4% գնանկում: Այս մասին հայտնում է ՀՀ ազգային վիճակագրական ծառայությունը:
«Հանրապետության դիտարկված բոլոր քաղաքներում 2017թ. օգոստոսին հուլիսի համեմատ բանջարեղենի գները նվազել են 20.1-9.0%-ով, այդ թվում` գնանկման ամենաբարձր ցուցանիշն արձանագրվել է Վաղարշապատում: Մայրաքաղաքում բանջարեղենի գների ընդհանուր մակարդակը նախորդ ամսվա համեմատ նվազել է 14.7%-ով»,-ասված է հաղորդագրության մեջ:
Մրգի ապրանքախմբում 2017թ. օգոստոսին 2016թ. օգոստոսի համեմատ արձանագրվել է 11.0% գնաճ, իսկ 2017թ. հուլիսի համեմատ`6.6% գնանկում:
«Հանրապետության դիտարկված 10 քաղաքներում 2017թ. օգոստոսին հուլիսի համեմատ մրգի գները նվազել են 10.6-0.7%-ով:: Մայրաքաղաքում մրգի գները նվազել են 7.5%-ով»,- ասված է հաղորդագրության մեջ:
Ի դեպ, գնանկման ամենաբարձր ցուցանիշն արձանագրվել Իջևանում:
