ԵՐԵՎԱՆ, 10 սեպտեմբերի — Sputnik. Աթենքում ընթացող ազատ ոճի ըմբշամարտի պատանիների աշխարհի առաջնությունում Հայաստանի բոլոր ինն ըմբիշներն էլ ձախողվեցին: Այս մասին հայտնում է Հայաստանի ազգային օլիմպիական կոմիտեի մամուլի ծառայությունը:
Պայքարի մեջ մտած Առաքել Մովսեսյանը (46 կգ քաշային կարգ), Տիգրան Ղազարյանը (54 կգ), Գեորգի Ներսիսյանը (63 կգ), Ռազմիկ Սիմոնյանը (76 կգ) եւ Մարտին Սիմոնյանը (100 կգ) տարբեր փուլերում պարտություն կրեցին ու անմասն մնացին մեդալներից:
Պատանիների Հայաստանի հավաքականն աշխարհի առաջնությունից վերադառնում է ձեռնունայն:
