ԵՐԵՎԱՆ, 11 սեպտեմբերի — Sputnik. Փրկարարներն այսօր հայտնաբերել են նախօրեին Արագած լեռան վրա մոլորված քաղաքացիներին։ Այս մասին հայտնում է ՀՀ ԱԻՆ մամուլի ծառայությունը։
«Սեպտեմբերի 11-ին, ժամը 08:55-ին փրկարարները հայտնաբերել են մոլորված քաղաքացիներին` 1955 թ. ծնված Ս. Կ., 1955 թ. ծնված Ա. Ս. և 1955 թ. ծնված Մ. Թ.»,- նշված է հաղորդագրության մեջ:
Սեպտեմբերի 10-ին, ժամը 21:48-ին ահազանգ էր ստացվել, որ երեք քաղաքացի (երկուսը Վրաստանի Հանրապետության քաղաքացի) բարձրացել են Արագած լեռը և չեն կարողանում գտնել վերադարձի ճանապարհը. անհրաժեշտ է փրկարարների օգնությունը:
Դեպքի վայր էր մեկնել մեկ մարտական հաշվարկ:
Պարզվել էր, որ Մ. Թ.-ը և 2 Վրաստանի Հանրապետության քաղաքացի Արագած լեռան Քարե լճի մոտակայքից հեռացել են արշավախմբից, մոլորվել են և չեն իջել լեռան վրայից: