ԵՐԵՎԱՆ, 12 սեպտեմբերի — Sputnik. ԱԺ-ն այսօրվա նիստում վավերացրեց երեկ քննարկված` Մոլդովայի հետ առանց մուտքի արտոնագրի ռեժիմի մասին համաձայնագիրը։
Այն Հայաստանի և Մոլդովայի քաղաքացիներին իրավունք է ընձեռում 3 ամսվա ընթացքում առանց մուտքի արտոնագրի գտնվել միմյանց երկրների տարածքում։
Համաձայնագրի վավերացմանը կողմ քվեարկեցին նիստին ներկա բոլոր 91 պատգամավորները։
Հիշեցնենք, առանց վիզայի այցելությունների ռեժիմ ԱՊՀ երկրների միջև նախատեսված էր, սակայն ԱՊՀ անդամ երկրներն այն արձանագրում են նաև երկկողմանի պայմանագրերով։
