Ֆելիչե Վարինիի «հայկական արձակուրդը». ձևի երկրաչափության «դասեր» Երևանում

ԵՐԵՎԱՆ, 13 սեպտեմբերի — Sputnik. Շվեյցարացի նկարիչ Ֆելիչե Վարինիի ցուցահանդեսը Երևանում բացվեց սեպտեմբերի 13-ին, նկարչի աշխատանքները երկաթգծի կենտրոնական կայարանի շենքում կցուցադրվեն մինչև նոյեմբերի 12-ը։

Նորարարական արվեստի ոճով արված աշխատանքները երկրաչափական պատկերներ են, որոնք իրենց ձևը փոխում են` կախված նրանից, թե որ անկյունից ես դիտում դրանք։

Ցուցահանդեսի բացման ժամանակ Վարինին խոստովանեց, որ հաճույքով է իր աշխատանքները ներկայացնում երևանյան հանդիսատեսին։

Ցուցահանդեսի հյուրերի թվում էր նաև Հայաստանի Ազգային Ժողովի նախագահ Արա Բաբլոյանը։

Բացմանը ներկա էին նաև Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, Հայաստանի խորհրդարանի պատգամավորներ, մշակույթի գործիչներ ու Հայաստանում հավատարմագրված դիվանագետներ։

Նախագծի կազմակերպիչը Շվեյցարիայի դեսպանատունն է։