Թուրքիայի ԱԳՆ. Քրդստանը ստիպված կլինի «վճարել» հանրաքվեի համար

© AFP 2023 / SAFIN HAMED / Иракские курды с флагами и плакатом Президента Иракского Курдистана
Иракские курды с флагами и плакатом Президента Иракского Курдистана - Sputnik Արմենիա
Բաժանորդագրվեք
НовостиTelegram
Պաշտոնական Անկարան կոչ է արել Քրդստանի իշխանություններին «ողջամիտ» լինել և հրաժարվել անկախության հանրաքվե անցկացնելուց։

ԵՐԵՎԱՆ, 14 սեպտեմբերի — Sputnik. Թուրքիայի ԱԳՆ–ն կոչ է արել Քրդստանի իշխանություններին Իրաքում անկախության հանրաքվե չանցկացնել, որի համար նրանք ստիպված կլինեն «վճարել», հայտնում է ՌԻԱ Նովոստին` հղում անելով պաշտոնական Անկարայի հայտարարությանը։

Бойцы Рабочей партии Курдистана - Sputnik Արմենիա
Քրդստանի անկախությունը կվնասի Թուրքիային և կմեծացնի Հայաստանի դերը

2017 թվականի սեպտեմբերի 25-ին Իրաքյան Քրդստանում պետք է անկախության հանրաքվե անցկացվի։ Այդ որոշումն ընդունվել էր հունիսի 7-ին Քրդստանի նախագահ Մասուդ Բարզանիի մասնակցությամբ քրդական կուսակցությունների հետ հանդիպման ժամանակ։ Պաշտոնական Բաղդադը հայտնել էր, որ չի ընդունում հանրաքվեի անցկացումը, որը հակասում է երկրի սահմանադրությանը։

«Եթե Իրաքի Քրդական տարածաշրջանի վարչակազմի իշխանությունները պնդեն հանրաքվեի անցկացման վերաբերյալ իրենց մոտեցումը, չնայած բոլոր բարեկամական խորհուրդներին, նրանք ստիպված կլինեն վճարել դրա համար։ Կոչ ենք անում նրանց հրաժարվել նման մոտեցումից և ողջամիտ լինել», – գրված է փաստաթղթում։

Թուրքիայի արտաքին գերատեսչությունը ողջունել է ապագա հանրաքվեի անցկացման ապօրինության մասին Իրաքյան խորհրդարանի հայտարարությունը։

Տվյալ հարցի վերաբերյալ բացասական դիրքորոշմամբ են հանդես եկել նաև Իրանն ու տարածաշրջանի մյուս երկրները։ Քրդերի որոշմանն աջակցում է միայն Իսրայելը։

Լրահոս
0