«Իմ կարծիքով, բարձրագույն ուսումնական հաստատության գնահատականն ունի առնվազն 3 բաղադրիչ. դրանցից մեկն, իհարկե այն է, թե ի՞նչ որակի քաղաքացի է շարունակում դաստիարակել բուհը, և նրա շրջանավարտը ի՞նչ որակի քաղաքացի է դառնում, ինչքանո՞վ է կապված իր հայրենիքին, որքանո՞վ ունի ժամանակակից մտածելակերպ: Երկրորդ բաղադրիչն այն է, թե համալսարանի շրջանավարտը այնուհետև ինչպիսի մասնագիտական գործունեություն է ծավալում: Եվ երրորդ բաղադրիչը, բնականաբար, այն է, թե պրոֆեսորադասախոսական կազմը ինչպիսի՞ գիտական գործունեություն է ծավալում: Ես կարծում եմ, որ այս երեք բաղադրիչներն էլ համալսարանում առկա են»,–ասաց երկրի ղեկավարը։
Իսկ համալսարանի ռեկտոր Ամեն Դարբինյանը համարձակորեն հայտնեց, որ իրենց ուսանողները երբեք առանց աշխատանքի չեն մնում։
«Մեր շրջանավարտները գրեթե հարյուր տոկոսով ապահովված են աշխատանքով»,–ասաց նա։
Նրա խոսքով` Հայ-ռուսական համալսարանի ավարտական դիպլոմը որակի նշան է։
