Հայաստանը ցանկանում է վերականգնել զինված ուժերի հանդեպ վնասված վստահությունը

© Sputnik / David GalstyanВоеннослужащие армянской армии
Военнослужащие армянской армии - Sputnik Արմենիա
Բաժանորդագրվեք
Yandex newsTelegram
Բանակի հանդեպ վստահության մթնոլորտի ձևավորման ուղղությամբ քայլեր են ձեռնարկվում։ Պաշտպանության փոխնախարար Արտակ Զաքարյանը լրագրողների հետ խոսեց հայկական բանակի մասին:

ԵՐԵՎԱՆ, 19 սեպտեմբերի — Sputnik. Մեր բնակչության մեջ 40-ից մեկը ծառայում է, ի տարբերություն այլ երկրների, որտեղ 600-ից, իսկ լավագույն դեպքում 150-ից մեկն է ծառայում: Այս մասին Հայաստան-Սփյուռք համաժողովի նիստից հետո խոսեց պաշտպանության փոխնախարար Արտակ Զաքարյանը:

«Պետք է աստիճանաբար գալ նրան, որ պետական բարձրաստիճան պաշտոնյաները զինվորական ծառայություն անցնելը համարեն իրենց կենսագրության կարևոր մաս: Դրա հայտարարագրումն ունի պետական պարտավորության կատարման, ինչպես բարոյական, այնպես էլ իրավական կողմ, այդ թվում նաև փոխկապակցված են»,-ասաց Զաքարյանը:

Նրա խոսքով՝ այսօր պաշտպանության նախարարությունում բաց են ու անարձագանք չեն թողնում հանրային բոլոր այն բարձրաձայնումները, որոնք վերաբերում են բանակին ու զինված ուժերին:

«Ցանկանում ենք վերականգնել այն վնասված վստահությունը, որ կարող է լինել պաշտպանական համակարգերի ու զինված ուժերի նկատմամբ»,- ասաց նա:

Պաշպանության փոխնախարարը շեշտեց՝ միայն վստահության լիարժեք վերականգնման դեպքում հնարավոր կլինի խոսել ոլորտում սփյուռքահայերի լիարժեք ներգրավվածության մասին:

Լրահոս
0